Mahbubnagar: డ్రైడే పాటిస్తే వ్యాధులు దూరం

రాజోలి: ప్రజలు ప్రతి శుక్రవారం నిల్వ ఉన్న నీటిని పారబోసి, డ్రై డే ను పాటిస్తే వ్యాధులకు దూరంగా ఉండొచ్చని మండల వైద్యాధికారి డా.మధుబాబు అన్నారు. ఆయన ఆధ్వర్యంలో మండలంలోని తుమ్మిళ్ల గ్రామంలో వైద్య సిబ్బంది ఇంటింటికీ వెళ్లి నిల్వ ఉన్న నీటిని పారబోశారు. ఇంటి ఆవరణంలో నీరు నిల్వ ఉండటం వల్ల లార్వాలు పెరిగి, దోమలు ప్రభలుతాయన్నారు. దీని వల్ల వివిధ రకాల వ్యాధులు వస్తాయన్నారు. అలాగే దోమలు కుట్టుకుండా దోమతెరలు వాడాలని ప్రజలకు సూచించారు. కార్యక్రమంలో హెల్త్ అసిస్టెంట్లు జయప్రకాశ్, రంజిత్, ఏఎన్ఎమ్, ఆశా కార్యకర్తలు పాల్గొన్నారు.