ఆసుపత్రిలో సమస్యలు పరిష్కరించాలని నిరసన

రాజోలి: ప్రజల కోసం నిర్మించిన ప్రభుత్వ ఆసుపత్రిలో సమస్యలు పరిష్కరించాలని గురువారం నిరసన కార్యక్రమం చేపట్టారు. ఐయిజ పట్టణంలో 30 పడకల ప్రభుత్వాసుపత్రిని  భాజపా జిల్లా అధ్యక్షులు ఎస్‌. రామచంద్రారెడ్డి, నాయకులతో కలిసి పరిశీలించారు. అనంతరం  సమస్యలు పరిష్కరించాలని నినాదాలు చేశారు.  ఈ ఆసుపత్రిలో ఏడాది  నుంచి ఎలాంటి పనులు పూర్తి చేయడం లేదన్నారు.  నిత్యం 250 కి పైగా రోగులు  ఆసుపత్రికి వస్తుంటారని,  అక్కడ సరిపడా మందులు అందుబాటులో లేవని విమర్శించారు.  ప్రభుత్వం స్పందించి వెంటనే సమస్యలు పరిష్కరించాలని డిమాండ్ చేశారు. ఆయన వెంట పట్టణ , మండల అధ్యక్షులు నరసింహ శెట్టి, గోపాలకృష్ణ , ప్రధాన కార్యదర్శులు ప్రదీప్ స్వామి, భగత్ రెడ్డి, జిల్లా ఓబీసీ ఉపాధ్యక్షులు వెంకటేష్ యాదవ్, వీరయ్య ఆచారి తదితరులున్నారు.