Mahabubnagar: రేపు విద్యాసంస్థలు బంద్‌కు పిలుపు

రాజోలి: నీట్ పేపర్ లీకేజీ వ్యవహారాన్ని నిరసిస్తూ ఈనెల జులై 4న దేశవ్యాప్తంగా జరిగే కేజీ టు పీజీ వరకు విద్యాసంస్థల బంద్‌ను విజయవంతం చేయాలని పీడీఎస్‌యూ, ఎన్‌ఎస్‌యూఐ, ఎస్‌ఎఫ్ఐ, ఏఐఎస్‌ఎఫ్‌ జిల్లా నాయకులు పిలుపునిచ్చారు. జిల్లా కేంద్రంలో నిర్వహించిన విలేకరుల సమావేశంలో వారు పాల్గొన్నారు. ఈ సందర్భంగా వారు మాట్లాడుతూ.. రూ. లక్షలకు నీట్ పరీక్ష పత్రాలు లీకేజి చేసి 24 లక్షల మంది జీవితాలతో ఎన్‌టీఏ చెలగాటం ఆడిందన్నారు.  దేశవ్యాప్త ఆందోళనలు జరిగిన దేశ ప్రధాని ఇప్పటి వరకు స్పందించలేదని ఆరోపించారు. పేపర్ లీకేజీకి బాధ్యత వహిస్తూ నీట్‌ ఛైర్మన్‌ రాజీనామా చేయాలని డిమాండ్ చేశారు. కార్యక్రమంలో ఎన్‌ఎస్‌యూఐ జిల్లా అధ్యక్షులు వెంకటేష్, పీడీఎస్‌యూ జిల్లా అధ్యక్షులు హాలింపాషా, యూఎస్‌ఎఫ్‌ఐ రంగస్వామి హరీష్, ఏఐఎస్‌ఎఫ్‌ ప్రవీణ్, ఎస్‌ఎఫ్‌ఐ  నవీద్ తదితరులు పాల్గొన్నారు.