Mahbubnagar: బస్సులు లేక విద్యార్ధుల అవస్థలు

రాజోలి: మండలంలోని మాన్ దొడ్డి గ్రామానికి ఆర్టీసీ బస్సు రాకపోవడంతో విద్యార్థులు తీవ్ర ఇబ్బందులు పడుతున్నారు. శుక్రవారం పాఠశాలకి వచ్చిన పచ్చర్ల గ్రామ విద్యార్థులు ఆటోల కోసం గంటల తరబడి వేచి ఉన్నారు. అటుగా వెళ్లే ద్విచక్ర వాహనదారులను లిఫ్ట్ అడుతూ కనిపిస్తున్నారు. పచ్చర్ల గ్రామం నుంచి దాదాపు 50 మందికి పైగా విద్యార్థులు పాఠశాలకు వస్తుంటారు. అయితే నాలుగు నెలలుగా బస్సు రాకపోవడంతో గత విద్యా సంవత్సరం తీవ్ర ఇక్కట్లు పడ్డారు. ప్రస్తుతం పాఠశాలలు ప్రారంభమైనా బస్సు రావడం లేదు. దీని కారణంగా ఆ గ్రామం నుంచి వచ్చే విద్యార్థుల సంఖ్య చాలా తక్కువగా ఉంటోందని ఉపాధ్యాయులు చెబుతున్నారు. తమకు బస్సు సౌకర్యం కల్పించాలని విద్యార్థులు కోరుతున్నారు.