Mahbubnagar: ఘనంగా ఏరువాక పౌర్ణమి

రాజోలి: ఏరువాక పౌర్ణమి వేడుకలను మండల ప్రజలు ఆయా గ్రామాల్లో శనివారం ఘనంగా జరుపుకున్నారు. రైతులు పంటలు ప్రారంభించే ముందు వచ్చే తొలి పండుగ కావడంతో అత్యంత భక్తిశ్రద్ధలతో నిర్వహించారు. రాజోలి, మాన్ దొడ్డి, పచ్చర్ల, తుమ్మిళ్ల తదితర గ్రామాలలో రైతులు కాడెద్దులతో ఆలయాలకు వెళ్లి ప్రత్యేక పూజలు చేశారు. పెద్దతాండ్రపాడులో కాడెద్దుల ఊరేగంపు, వాటితో ఉట్టికొట్టే కార్యక్రమం ఉత్సాహంగా సాగింది. రాజోలిలో భక్తులు ఉదయాన్నే ప్రత్యేక స్నానాలు ఆచరించి, పిండి వంటలు చేసి సుంకులమ్మ, మారెమ్మ, పెద్దమ్మ ఆలయాల్లో నైవేద్యాలతో ప్రత్యేక పూజలు నిర్వహించారు.