చిరుతను బంధించాలని రాస్తారోకో

మహానంది :  నంద్యాల జిల్లా మహానంది సిరివెళ్ల మండలాల పరిధిలోని నల్లమల అడవిలో గల పచ్చర్ల గ్రామంలో చిరుతను బంధించాలని ప్రజలు రాస్తారోకో చేపట్టారు. మంగళవారం  వంట చెరకు కోసం అడవిలోకి వెళ్లిన పచ్చర్ల గ్రామానికి చెందిన మాజీ ఉపసర్పంచ్ షేక్ మెహరూన్ బీ (40)పై చిరుత దాడి చేసి హతమార్చింది. నాలుగు రోజుల క్రితం ఇంట్లో నిద్రిస్తున్న  ఇదే గ్రామానికి చెందిన షేక్ బీబీ అనే మహిళ, అటవీ సిబ్బందిపై చిరుత  దాడి చేసింది. దీంతో  గ్రామస్థులు  నంద్యాల-గిద్దలూరు ప్రధాన రహదారిపై రాస్తారోకో చేపట్టారు. చిరుతను బంధించి తమ ప్రాణాలను కాపాడాలని నినదించారు. దీంతో ప్రకాశం- నంద్యాల జిల్లాలకు రాకపోకలు నిలిచిపోయాయి.