ఆ ఘనత చంద్రబాబుకే దక్కుతుంది

ఆస్పరి: ఎన్నికల్లో ఇచ్చిన హామీని వెంటనే నెరవేర్చిన ఘనత సీఎం చంద్రబాబుకే దక్కుతుందని మండల తెదేపా నాయకులు అన్నారు.  ఇచ్చిన మాట ప్రకారం వృద్ధులకు, దివ్యాంగులకు ఫించన్‌ రూ. 4 వేలు అందిస్తున్నట్లు పేర్కొన్నారు. ఆదివారం మండలంలో తెదేపా మండల నాయకులతో సమావేశం నిర్వహించారు. ఈ సందర్భంగా జూలై 1వ తేదీన ప్రతి గ్రామంలో పింఛన్ పంపిణీ అమలు అయ్యేలా చర్యలు తీసుకోవాలన్నారు. సచివాలయ ఉద్యోగుల వెంట తెదేపా కార్యకర్తలు ఉండి అందరికీ పింఛన్ల అందేలా చూడాలన్నారు. ఈ కార్యక్రమంలో హనుమంత్ రెడ్డి, గోపాల్, ఎస్ తిమ్మన్న, కృష్ణ యాదవ్, శ్రీనివాస్ గౌడ్, గోవిందు, నౌనేపాటి చౌదరి, రామచంద్ర రెడ్డి,  జీవన్ కుమారులు తదితరులు పాల్గొన్నారు.