గ్రామాల్లో తాగునీటి సమస్య లేకుండా చూడండి

ఎమ్మిగనూరు వ్యవసాయం: మండలంలోని గ్రామాల్లో పారిశుద్ధ్యం, తాగునీటి సమస్య లేకుండా వెంటనే చర్యలు చేపట్టాలని ఎమ్మెల్యే బీవీ జయనాగేశ్వర రెడ్డి అన్నారు. మండలంలోని వివిధ ప్రభుత్వ శాఖ అధికారులతో బుధవారం మండల పరిషత్ కార్యాలయంలో సమీక్ష సమావేశం నిర్వహించారు. ఈ సందర్భంగా ఎమ్మెల్యే  తాగునీరు, పారిశుద్ధ్యం సమస్యలు ఉన్న గ్రామాలపై సమీక్షించారు. మండలంలోని గ్రామ సచివాలయాలు, ఇతర ప్రభుత్వ భవనాలు, సీసీ రోడ్ల నిర్మాణం వంటి నిర్మాణాలు, గత ఐదేళ్ల   పాలనలో చేపట్టి అసంపూర్తిగా ఉన్న నిర్మాణాలను  త్వరితగతిగా పూర్తి చేయాలని ఆదేశించారు. సమావేశంలో ఆయా శాఖల అధికారులు పాల్గొన్నారు.