Kurnool: సమస్యలు పరిష్కరించాలని ఎమ్మెల్యేకు వినతి

ఆదోని మార్కెట్: ఆదోని పట్టణంలోని పురపాలక పాఠశాలల్లో నెలకొన్న సమస్యలను భాజపా ఎమ్మెల్యే పార్థసారధికి పురపాలక ఉపాధ్యాయ సంఘం ఫెడరేషన్ నాయకులు బుధవారం విన్నవించారు. ప్రధానంగా పాఠశాలలో ఉపాధ్యాయుల కొరత అధికంగా ఉందని, వీటి పరిష్కారానికి చొరవచూపాలన్నారు. కొరత ఉన్న చోట ఇతర పాఠశాల నుంచి ఉపాధ్యాయులను డిప్యూటేషన్ పై వేస్తున్నారని, దీనివల్ల పాత పాఠశాలలో ఉపాధ్యాయుల కొరత ఉంటుందని వివరించారు. నిబంధనలకు విరుద్ధంగా డిప్యూటేషన్లు వేస్తున్నారని ఎమ్మెల్యే దృష్టికి తీసుకువచ్చారు. ఎమ్మెల్యేని కలిసిన వారిలో పురపాలక ఉపాధ్యాయ సంఘం ఫెడరేషన్ జిల్లా ప్రధాన కార్యదర్శి సురేష్ కుమార్, గౌరవాధ్యక్షుడు దస్తగిరి, నూరుగులాక్, ప్రధాన కార్యదర్శి జంగం బసవరాజు, కోశాధికారి కోటన్న, ప్రతాపరెడ్డి, రమేష్ రావు, జ్ఞానమద్దయ్య, బడుగు బసవరాజ్ తదితరులు ఉన్నారు.