కర్నూలు-బళ్లారి మధ్య జాతీయ రహదారి నిర్మించాలి

కేంద్ర మంత్రి గడ్కరీతో కర్నూలు ఎంపీ నాగరాజు

కర్నూలు గ్రామీణ, న్యూస్‌టుడే: కర్నూలు ఎంపీ బస్తిపాటి నాగరాజు బుధవారం కేంద్ర రోడ్డు, రవాణా, రహదారుల శాఖ మంత్రి నితిన్‌ జైరాజ్‌ గడ్కరీని ఆయన కార్యాలయంలో కలిశారు. కర్నూలు నుంచి బళ్లారికి జాతీయ రహదారిని నిర్మించాలని, కర్నూలు టోల్‌గేట్‌ నుంచి పంచలింగాల గ్రామం వరకు సర్వీస్‌ రోడ్డును విస్తరించాలని, వెంకటరమణ కాలనీ అండర్‌పాస్‌ వద్దనున్న సర్వీస్‌ రోడ్డును విస్తరించాలని కోరుతూ గడ్కరీకి వినతిపత్రం సమర్పించారు. దీనిపై కేంద్ర మంత్రి సానుకూలంగా స్పందించారని, కర్నూలు నుంచి బళ్లారి హైవే రోడ్డుతోపాటు రహదారుల విస్తరణకు హామీ ఇచ్చినట్లు ఎంపీ పేర్కొన్నారు.