అనుమతులు లేకుండానే నిర్మాణాలు

మాట్లాడుతున్న ఎమ్మెల్యే డా.పార్థసారథి

ఆదోని మార్కెట్, న్యూస్‌టుడే: ఆదోని పట్టణంలో అనుమతులు లేకుండా నిర్మించిన వైకాపా కార్యాలయంపై తప్పనిసరిగా చర్యలుంటాయని ఆదోని ఎమ్మెల్యే డా.పార్థసారథి స్పష్టం చేశారు. పట్టణంలో మంగళవారం ఏర్పాటు చేసిన విలేకరుల సమావేశంలో మాట్లాడారు. రూ.కోట్ల విలువ చేసే ఉద్యోగులకు చెందిన పాత ఎన్జీవో భవనాన్ని రూ.40 లక్షలకు 99 ఏళ్ల పాటు లీజుకు తీసుకోవడమంటే ఇలాంటి వింత మరొకటి ఉండదన్నారు. లీజుకు రాసిచ్చిన నాటి అసోసియేషన్‌ ఉద్యోగి తాజాగా పదవీ విరమణ పొందారని తెలిపారు. లీజుకు తీసుకున్న భవనాన్ని కూల్చి ఆ స్థలంలో ఫైవ్‌ స్టార్‌ హోటల్‌ తరహాలో నిర్మించిన వైకాపా కార్యాలయంలో సెటిల్‌మెంట్లు, జూదం వంటి కార్యాకలాపాలను నిర్వహించారని ఆరోపించారు. అక్రమాలను కప్పిపుచ్చేందుకు వైకాపా నేతలకు సహకరించిన ఉద్యోగులపై సైతం చర్యలు ఉంటాయన్నారు.