Kurnool: కలిసికట్టుగా ఆదోనిని అభివృద్ధి చేద్దాం

ఆదోని మార్కెట్: ఆదోని పట్టణాన్ని అభివృద్ధిని చేసుకుందామని నియోజకవర్గం భాజపా ఎమ్మెల్యే డాక్టర్ పార్థసారథి వైకాపా కౌన్సిల్ సభ్యులకు పిలుపునిచ్చారు. శనివారం ఆదోని పురపాలక సంఘం కౌన్సిల్ సమావేశానికి ఎక్స్ అఫీషియల్ సభ్యుడుగా ఎమ్మెల్యే హాజరై మాట్లాడారు. పురపాలక సంఘంలో మొత్తం 42 వార్డులు ఉన్నాయని, 41 మంది వైకాపా సభ్యులు ఉంటే, కేవలం ఒకరు మాత్రమే తెదేపా సభ్యురాలు ఉన్నారన్నారు. ఆదోనిలో అనేక రకాలుగా సమస్యలు ఉన్నాయని, రాజకీయ కక్ష సాధింపు చర్యలకు పాల్పడబోమని, సమస్యల పరిష్కారానికి కౌన్సిల్ సభ్యులు ముందుకు వస్తే కలిసికట్టుగా పని చేసేందుకు సిద్ధంగా ఉన్నామన్నారు. కార్యక్రమంలో పురపాలక అధికారులు, కౌన్సిల్ సభ్యులు పాల్గొన్నారు.