Kurnool: ఎమ్మెల్యేని కలిసిన నాయకులు

ఎమ్మిగనూరు వ్యవసాయం: పట్టణంలోని కర్నూల్ రోడ్డు నందు ప్రధాన రోడ్డుకు ఇరువైపులగల హిందూ రుద్ర స్మశాన వాటిక భూమి పరిరక్షణ కమిటీ నాయకులు ఎమ్మెల్యే బీవీ జయనాగేశ్వరరెడ్డిని కలిశారు. కొంతమంది స్మశాన వాటిక భూమిని ఆక్రమించి నిర్మించుకున్న అక్రమ నిర్మాణాలను తొలగించాలని ఎమ్మెల్యే దృష్టికి తీసుకెళ్లారు. స్మశాన వాటిక పరిరక్షణకు ప్రధానంగా అవసరమైన ప్రహరీగోడ నిర్మాణం, మౌలిక సౌకర్యాల అభివృద్ధికి తోడ్పడాలని వినతి పత్రాన్ని సమర్పించారు. నాయకులు నాగరాజు, ఎల్లంబీడు లక్ష్మన్న, వెంకటేష్, బీరప్ప, రవిప్రసాద్, హరి, రవి, నాగేష్, ఉరుకుందు  ,యాపిలయ్య ఉన్నారు.