Kurnool: ఘనంగా తిరుచ్చి వేడుకలు

ఆర్ఎస్ రంగాపురం (బేతంచెర్ల): మండల పరిధిలోని ఆర్ఎస్ రంగాపురం గ్రామ శివారులో వెలసిన మద్దిలేటి నరసిహ స్వామి ఆలయంలో తిరుచ్చి మహోత్సవాన్ని వైభవంగా నిర్వహించారు. ఆలయ ఉప కమిషనర్, ఈవో రామాంజనేయులు వేదపండితులు, అర్చకులు మనోహర్, నరసింహ, మద్దిలేటిస్వామిలు శ్రీదేవి, భూదేవి సమేతుడైన మద్దిలేటి నరసింహస్వామికి ప్రత్యేక పూజలు నిర్వహించారు. ప్రత్యేకంగా అలంకరించిన పల్లకిలో ఉంచి ఆలయ మాఢ వీధుల్లో మంగళ వాయిద్యాల మధ్యన స్వామివారిని కన్నుల పండువగా ఊరేగింపు చేశారు. ఆయా ప్రాంతాల నుంచి వచ్చిన భక్త జనసందోహం మధ్య గోవిందనామ స్మరణల మధ్య స్వామి వారు ఆలయ పరిసరాల్లో పుష్పాలంకరణ శోబితుడై ఊరేగుతూ భక్తులకు దర్శనమిచారు. కార్యక్రమంలో పెద్దఎత్తున భక్తులు పాల్గొన్నారు.