Kurnool: వేతన బకాయిలు విడుదల చేయాలి

రైతునగరం (నంద్యాల): నంద్యాల జిల్లాలో ప్రకృతి వ్యవసాయ ఉద్యోగులకు పెండింగ్‌లో ఉన్న వేతన బకాయిలు విడుదల చేయాలని నాయకులు కోరారు. బకాయిలను ప్రభుత్వం విడుదల చేయాలని ఏపీ కమ్యూనిటీ నేచురల్ ఫార్మింగ్ యూనియన్(సీఐటీయూ) జిల్లా అధ్యక్షుడు నాగరాజు, సలహాదారు లక్ష్మణ్ కోరారు. సోమవారం నంద్యాల వైఎస్సార్ సెంటనరీ హాల్‌లో నిర్వహించిన ప్రజా సమస్యల పరిష్కార వేదికలో వారు జిల్లా కలెక్టర్ డా. శ్రీనివాసులుకు వినతి పత్రం అందజేశారు. ఈ సందర్భంగా వారు మాట్లాడుతూ.. డివిజన్, మండల, గ్రామ స్థాయిల్లో పని చేసే ప్రకృతి వ్యవసాయ ఉద్యోగులకు గత 18 నెలల నుంచి వేతనాలు లేక తీవ్ర ఆర్థిక ఇబ్బందులు ఎదుర్కొంటున్నారన్నారు. వీరికి కుటుంబ పోషణ భారంగా మారిందన్నారు. నాయకులు నాగేశ్వరరెడ్డి, లత, ప్రభావతి, మద్దిలేటి, రామ సుబ్బారెడ్డి పాల్గొన్నారు.