Kurnool: కలిసొచ్చే వారిని కలుపుకుపోతా

ఆదోని మార్కెట్: ఆదోని నియోజకవర్గం అభివృద్ధికి కలిసి వచ్చే వారిని కలుపుపోతానని ఆదోని భాజపా ఎమ్మెల్యే డాక్టర్ పార్థసారథి అన్నారు. బుధవారం స్థానిక ఇంటర్నేషనల్ ఫంక్షన్ హాల్‌లో వైకాపా నుంచి పలువురు ప్రజాప్రతినిధులు ఎమ్మెల్యే సమక్షంలో భాజపాలో చేరారు. ఈ సందర్భంగా ఆయన మాట్లాడారు. ఎన్నికల వరకే రాజకీయాలు ఉంటాయని, ఎన్నికల అనంతరం తనకు రాజకీయాలతో నిమిత్తం లేకుండా పనిచేస్తానన్నారు. ఆదోనిలో ఎన్ని పార్టీలున్న ఎంతమంది కలిసి వచ్చిన అభివృద్ధి కోసం పనిచేస్తానన్నారు. పార్టీలో చేరిన వారిలో ఆదోని మండల ఎంపీపీ దానమ్మ, వార్డు కౌన్సిలర్లు లలితమ్మ, చిన్న, పద్మావతి తోపాటు పలువురు సర్పంచులు, ఎంపీటీసీలు, ఉపసర్పంచులు ఉన్నారు. కార్యక్రమంలో మాజీ ఎమ్మెల్యే ప్రకాష్ జైన్, భాజపా జిల్లా అధ్యక్షుడు నీలకంఠ, నాయకులు నాగరాజు గౌడ్, శ్రీనివాసచారి, ఉపేంద్ర, సాయికుమార్, మల్లిక తదితరులున్నారు.