Kurnool: నవ వధువు ఆత్మహత్య

బేతంచెర్ల: బేతంచెర్ల పట్టణం అయ్యల చెరువులో ఓ పాలీష్ ఫ్యాక్టరీలో బీహార్‌కు చెందిన వన వధువు ఆత్మహత్యకు పాల్పడిన సంఘటన శుక్రవారం చోటుచేసుకుంది. పోలీసులు తెలిపిన వివరాల మేరకు.. బీహర్ రాష్ట్రం, సారెన్ జిల్లా, పటేరి గ్రామానికి చెందిన గురూజి సింగ్‌కు ఏప్రిల్ 20న నేహాకుమారి పాండేతో (23) వివాహం జరిగింది. మూడు రోజుల కిందట బీహార్ నుంచి బేతంచెర్లకు వచ్చి నాపరాయి పరిశ్రమలో పని చేసుకుంటూ ఉపాధి పొందుతున్నారు. తల్లిదండ్రులను వదలి ఒంటిరిగా ఉండలేక జీవితంపై మనస్థాపం చెందిన మహిళ ఇంట్లో ఎవ్వరూ లేని సమయంలో ఫ్యాన్‌కు ఉరివేసుకొని ఆత్మహత్య చేసుకున్నట్లు స్థానికులు తెలిపారు. గమణించిన భర్త ఆసుపత్రికి తరలించారు. ఆసుపత్రి వైద్యులు అప్పటికే మృతి చెందినట్లు నిర్ధారించినట్లు సమాచారం. శవ పరీక్ష నిమిత్తం బనగానపల్లె ప్రభుత్వ ఆసుపత్రికి తరలించారు. పూర్తి వివరాలు పోలీసుల విచారణలో తెలియాల్సి ఉంది.