Politics: ఘనంగా అఖిలేష్ యాదవ్ జన్మదిన వేడుకలు

రైతునగరం (నంద్యాల): నంద్యాల పట్టణంలోని సమాజ్‌వాదీ పార్టీ కార్యాలయంలో యూపీ మాజీ సీఎం అఖిలేష్ యాదవ్ జన్మదిన వేడుకలు ఘనంగా నిర్వహించారు. పద్మావతి నగర్‌లోని జిల్లా పార్టీ ఎస్పీ కార్యాలయంలో కేక్ కటింగ్ చేశారు. ఆ పార్టీ రాయలసీమ జిల్లాల కో ఆర్డినేటర్ పాండురంగ యాదవ్, నంద్యాల జిల్లా అధ్యక్షుడు పెరుగు శివ కృష్ణ యాదవ్ మాట్లాడుతూ.. బహుజనుల భవిష్యత్తు కోసం సమాజ్‌వాద్‌ పార్టీ పని చేస్తుందని, బహుజనుల జీవితాల్లో మార్పు తేవడానికి అఖిలేష్ యాదవ్ నిరంతరం కృషి చేస్తున్నారన్నారు. ఈ కార్యక్రమంలో నాయకులు మనకండ్ల మధు, ఫేక్ ఫరిదాబీ, రాజేష్, రమణ, షహానా, రమాదేవి తదితరులు పాల్గొన్నారు.