ఉక్కు పరిశ్రమ తనిఖీ

యంత్రం పనితీరును తెలుసుకుంటున్న కుమారస్వామి, రాఘవేంద్ర

శివమొగ్గ, న్యూస్‌టుడే: భద్రావతిలోని విశ్వేశ్వరయ్య ఇనుము, ఉక్కు పరిశ్రమను కేంద్ర ఉక్కు శాఖ మంత్రి హెచ్‌డీ కుమారస్వామి ఆదివారం పరిశీలించారు. కేంద్ర ఉక్కు శాఖ పరిధిలో ఉన్న ఈ పరిశ్రమల పనితీరు, ముడి ఖనిజం సరఫరా తదితర వివరాలతో పాటు కార్మికుల నుంచి ఆయన వినతులు స్వీకరించారు. భారతీయ ఉక్కు ప్రాధికార అధ్యక్షుడు అమరేందు ప్రకాశ్, లోక్‌సభ సభ్యుడు బీవై రాఘవేంద్ర, ఎమ్మెల్యేలు బీకే సంగమేశ్, శారదా పూర్య నాయక్‌ తదితరులతో కలిసి పరిశ్రమలోని వివిధ విభాగాలను ఆయన పరిశీలించారు. పరిశ్రమ తాజా పరిస్థితిపై అక్కడి అధికారులతో అడిగి తెలుసుకున్నారు.