‘మర్డర్‌ ఆఫ్‌ రేణుకాస్వామి’ పేరిట వికీపీడియాలో కొత్త పేజీ..!

రేణుకాస్వామి (ఎడమ), దర్శన్‌ (కుడి) 

బెంగళూరు (శివాజీనగర), న్యూస్‌టుడే : నటుడు దర్శన్, నటి పవిత్రాగౌడ చేతిలో హత్యకు గురైన చిత్రదుర్గకు చెందిన రేణుకాస్వామి కేసు వ్యవహారం చర్చకు తావిస్తోంది. ఇదే అంశంపై వికీపీడియాలో కొత్త పేజీ ప్రారంభమైంది. ‘మర్డర్‌ ఆఫ్‌ రేణుకాస్వామి’ పేరిట ప్రారంభించిన ఈ పుటలో మొదటి నుంచి హత్యకు గురయ్యేంత వరకు రేణుకాస్వామి జీవితం, అతని తల్లిదండ్రులు, భార్య, అతనితో పరిచయం ఉన్న వారి వివరాలను నమోదు చేశారు. హత్యకు దారి తీసిన పరిణామాలు, హంతకుల అరెస్టు, తదితర వివరాలను ఇందులో పొందుపరిచారు. ఈ పుటలో ఎప్పటికప్పుడు తాజా వివరాలను భర్తీ చేసేందుకు అవకాశాన్ని కల్పించారు.