రెండు సహకార సంఘాలకు రాష్ట్ర స్థాయి పురస్కారం

మంత్రి నాగేశ్వరరావు నుంచి చెక్కు అందుకుంటున్న కాల్వశ్రీరాంపూర్‌ సంఘం ఛైర్మన్‌ రాంచంద్రారెడ్డి

కాల్వశ్రీరాంపూర్, పెద్దపల్లి, న్యూస్‌టుడే: జాతీయ సహకార అభివృద్ధి సంస్థ(నేషనల్‌ కో ఆపరేటివ్‌ డెవలప్‌మెంట్‌ కార్పొరేషన్‌) ఆధ్వర్యంలో జిల్లాలోని కాల్వశ్రీరాంపూర్, పెద్దపల్లి మండలం అప్పన్నపేట ప్రాథమిక వ్యవసాయ సహకార సంఘాలు రాష్ట్ర స్థాయి ఉత్తమ పురస్కారానికి ఎంపికయ్యాయి. 2023-24 ఆర్థిక సంవత్సరంలో రైతులకు రుణాల పంపిణీ, రికవరీలో వంద శాతం వ్యాపారం చేసిన సహకార సంఘాలను టీఎస్‌క్యాబ్‌(తెలంగాణ రాష్ట్ర సహకార సంఘాల సమాఖ్య) ఎంపిక చేసింది. ఈ మేరకు గురువారం హైదరాబాద్‌లో నిర్వహించిన కార్యక్రమంలో కాల్వశ్రీరాంపూర్, అప్పన్నపేట సహకార సంఘాల అధ్యక్షులు చదువు రాంచంద్రారెడ్డి, చింతపండు సంపత్‌లు రాష్ట్ర సహకార శాఖ మంత్రి తుమ్మల నాగేశ్వర్‌రావు చేతుల మీదుగా రూ.25 వేల చొప్పున నగదు పురస్కారాలు అందుకున్నారు.