గోవా గవర్నర్‌ రచనకు తెలుగు అనువాదం ‘రామ చిలుక’

ప్రొ. ఇనాక్‌తో కలిసి పుస్తకాన్ని ఆవిష్కరిస్తున్న గవర్నర్‌ రాధా కృష్ణన్, వెంకటేశం, ఎల్‌ఆర్‌ స్వామి, గోవా గవర్నర్‌ శ్రీధరన్‌ పిళ్లై,  

ఖైరతాబాద్‌ : గోవా గవర్నర్‌  శ్రీధరన్‌ పిళ్లై మళయాలంలో రాసిన ‘తథా వరతికిల్ల’ కథల సంపుటికి తెలుగు అనువారం‘రామ చిలుక’ పుస్తకాన్ని తెలంగాణ గవర్నర్‌ సీపీ రాధాకృష్ణన్, పద్మశ్రీ అవార్డు గ్రహీత కొలకలూరి ఇనాక్‌ ఆవిష్కరించారు. ఆదివారం రాజ్‌భవన్‌లో నిర్వహించిన కార్యక్రమంలో గవర్నర్‌ మాట్లాడుతూ.. రచయిత శ్రీధరన్‌ పిళ్లై సాహిత్య వారసత్వానికి అమూల్యమైన కృషి చేశారన్నారు. పుస్తక రచయిత పిళ్లై మాట్లాడుతూ.. తొలి నుంచే రచనలు అలవాటు ఉండటంతో ఇప్పటి వరకు 200 వరకు పుస్తకాలు రాసినట్లు వివరించారు. కార్యక్రమంలో రాష్ట్ర గవర్నర్‌ ప్రధాన కార్యదర్శి బుర్రా వెంకటేశం, గోవా గవర్నర్‌ కార్యదర్శి ఎంఆర్‌ఎం రావు, కవి, రచయిత కె.శివారెడ్డి, మాజీ ఎమ్మెల్సీ ఎన్‌.రాంచందర్‌ రావు, రాజ్‌ భవన్‌ సీనియర్‌ అధికారులు పాల్గొన్నారు.