11 నిమిషాలు.. రూ.18 లక్షలు

సైబర్‌ నేరస్థుల నుంచి కాపాడిన పోలీసులు

నారాయణగూడ, న్యూస్‌టుడే: సైబర్‌ నేరస్థుల చేతిలో సాఫ్ట్‌వేర్‌ ఉద్యోగి మోసపోయిన డబ్బుకు పోలీసులు నిమిషాల వ్యవధిలో అడ్డుకట్ట వేశారు. హైదరాబాద్‌ డీసీపీ (సైబర్‌ క్రైమ్స్‌) ధారా కవిత తెలిపిన వివరాల ప్రకారం.. అంబర్‌పేట్‌లో నివసించే సాఫ్ట్‌వేర్‌ ఉద్యోగికి ఫెడెక్స్‌ కొరియర్‌ ప్రతినిధినంటూ ఓ వ్యక్తి ఫోన్‌ చేశాడు. మీ ఆధార్‌ కార్డు నంబరుతో ముంబయి నుంచి ఇరాన్‌కు మాదకద్రవ్యాలతో కూడిన పార్సిల్‌ బుక్‌ అయిందని.. దీనిపై స్థానిక సైబర్‌ పోలీసుల వద్ద కేసు నమోదైందని సమాచారం ఇచ్చాడు.  బాధితుడి పేరిట నమోదైన కేసు తాలుకు ఎఫ్‌ఐఆర్, ఇతర కీలకపత్రాలను చూపించారు. కేసు నుంచి బయటపడాలంటే డబ్బులు పంపించాలని డిమాండ్‌ చేశారు. బాధితుడి వద్ద డబ్బు లేదు. బాధితుడు రూ.18 లక్షలు నేరస్థుల బ్యాంకు ఖాతాకు బదిలీ చేశారు.