వీఆర్‌కు తుళ్లూరు సీఐ

తుళ్లూరు, న్యూస్‌టుడే: రాజధాని ప్రాంతంలోని తుళ్లూరు స్టేషన్‌కు గత నెల 27న సీఐగా నియామకమైన మాతంగి శ్రీనివాసరావును వీఆర్‌కు పంపుతూ పోలీస్‌ శాఖ ఉన్నతాధికారులు బుధవారం ఆదేశాలు జారీ చేశారు. ప్రకాశం జిల్లా కొండెపి సీఐగా పని చేసిన సమయంలో అక్కడి తెదేపా కార్యకర్తలు, నాయకులను తీవ్రంగా ఇబ్బంది పెట్టారని, అప్పట్లో కొండెపి తెదేపా ఎమ్మెల్యేగా ఉన్న ప్రస్తుత మంత్రి డోలా బాలవీరాంజనేయస్వామి పట్ల దురుసుగా ప్రవర్తించినట్లు ఆరోపణలు ఉన్నాయి. వైకాపా నాయకులతో అంటకాగుతున్నారని సామాజిక మాధ్యమాల్లో విమర్శలు వెల్లువెత్తాయి. ఈ నేపథ్యంలో ఆయన్ను వీఆర్‌కు పంపి...తుళ్లూరు సీఐ-2గా పనిచేస్తున్న అనురాధకు స్టేషన్‌ ఇన్‌ఛార్జి బాధ్యతలు అప్పగించారు.