దారి మారాలి.. దశ తిరగాలి..

కేంద్ర ప్రభుత్వం ఎంతో ప్రతిష్ఠాత్మకంగా మంగళగిరిలో నిర్మించిన ఎయిమ్స్‌ ఆసుపత్రికి రోగులు చేరుకోవడానికి గత వైకాపా ప్రభుత్వం ఐదేళ్లలో సరైన రహదారి నిర్మించలేకపోయింది. ఈ ఆసుపత్రికి మంగళగిరి టౌన్‌లోని పాత జాతీయ రహదారి నుంచి ఆసుపత్రి ప్రధాన ద్వారం వద్దకు చేరుకోవడానికి డబుల్‌లైన్‌ రహదారి నిర్మించడానికి ప్రణాళిక సిద్ధం చేసినా కేవలం సింగిల్‌లైన్‌ మాత్రమే వేసి వదిలేశారు. దీంతో వాహనాల రాకపోకలకు ఇబ్బంది కలుగుతోంది. ఎయిమ్స్‌ ప్రధానద్వారం వద్ద రహదారి అంతా ఛిద్రమైంది. ఒకే వరుస మార్గం కావడంతో ఎదురుగా వాహనం వస్తే పక్కకు తప్పుకోవడానికీ చోటు లేదు. కూటమి ప్రభుత్వం కొలువుదీరిన నేపథ్యంలో రెండు వరుసల రోడ్డు వేయాలని వాహనదారులు కోరుతున్నారు.

ఈనాడు, అమరావతి