పల్లెకోనలో బీపీటీ కొత్తరకం విత్తనాల పంపిణీ

విత్తనాలు అందిస్తున్న శాస్త్రవేత్తలు

భట్టిప్రోలు, న్యూస్‌టుడే : మండలంలోని పల్లెకోన గ్రామంలో ముగ్గురు రైతులకు బీపీటీ-2858 విత్తనాలకు సంబంధించిన రెండు కిలోలను ఏరువాక కేంద్రానికి చెందిన శాస్త్రవేత్తలు డాక్టరు ఆô్.బాలమురళీధô్నాయÚ్, డాక్టరు జె.రాధాకృష్ణ సోమవారం పంపిణీ చేశారు. ఈ విత్తనాలను నారుమడి సమయంలో 8 సెంట్లలో చల్లాలని సూచించారు. కొత్తరకం విత్తనాలు కావడంతో కొన్ని ప్రాంతాల్లో ఈ విత్తనాలను అందించామని శాస్త్రవేత్తలు పేర్కొన్నారు. పైరు ఎదుగుదల, దిగుబడులను పరిశీలించిన తర్వాత మార్కెట్లోకి విత్తనాలు విడుదల చేస్తామని పేర్కొన్నారు. కార్యక్రమంలో వ్యవసాయ శాఖ అధికారి జి.మీరయ్య, పల్లెకోన రైతులు, సిబ్బంది పాల్గొన్నారు.