లోక్‌ అదాలత్‌లో 1,454 కేసుల పరిష్కారం

కార్యక్రమాన్ని పరిశీలిస్తున్న జిల్లా జడ్జి పార్థసారథి, లోక్‌అదాలత్‌ కార్యదర్శి లీలావతి 

గుంటూరు లీగల్‌ న్యూస్‌టుడే: జిల్లాలో శనివారం జరిగిన జాతీయ లోక్‌ అదాలత్‌లో 1,454 కేసులు పరిష్కరించారు. జిల్లా వ్యాప్తంగా న్యాయస్థానాల్లో న్యాయమూర్తులు నిర్వహించిన లోక్‌ అదాలత్‌లో 166 సివిల్, 708 క్రిమినల్, 152 వాహన ప్రమాద బీమా, 202 చెల్లని చెక్కుల, 80 వివాహ సంబంధమైన కేసులను పరిష్కరించి బాధితులకు సుమారు రూ. 38 కోట్లు పరిహారం మంజూరు చేశారు. జిల్లా ప్రధాన న్యాయమూర్తి, న్యాయసేవాధికార లోక్‌ అదాలత్‌ ఛైర్మన్‌ వై.వి.యస్‌.బి.జి.పార్థసారథి, కార్యదర్శి లీలావతి నగరంలో జరిగిన న్యాయస్థానాల్లో లోక్‌ అదాలత్‌లను పరిశీలించి పలు సూచనలు చేశారు. కక్షిదారులు, పొలీసులు, న్యాయవాదులు అధిక సంఖ్యలో పాల్గొన్నారని, సహకరించిన అందరికీ కార్యదర్శి లీలావతి ధన్యవాదాలు తెలిపారు.