డిప్యూటీ డెమో పోస్టు వారెలా భర్తీ చేస్తారు?

గుంటూరు వైద్యం, న్యూస్‌టుడే: ప్రాంతీయ వైద్య ఆరోగ్య సంచాలకులు(ఆర్డీ) జోన్‌-3 పరిధిలోని డిప్యూటీ డెమో పోస్టును కడప ప్రధాన కేంద్రంగా ఉన్న జోన్‌-4 అధికారులు భర్తీ చేయడంపై వివాదం జరుగుతోంది. ఆ పోస్టును భర్తీ చేయడంపై ఉద్యోగులు తీవ్ర అభ్యంతరం వ్యక్తం చేస్తున్నారు. దీనివల్ల జోన్‌-3 పరిధిలోని అర్హులైన ఉద్యోగులు నష్టపోతారని చెబుతున్నారు. దీనిపై ఉన్నతాధికారులకు ఫిర్యాదు చేశారు. విషయం తెలియడంతో గుంటూరులోని ఆర్డీ కార్యాలయ అధికారులు కూడా వెంటనే స్పందించారు. తమ కార్యాలయ పరిధిలోని పోస్టును భర్తీ చేయడం సరైన సంప్రదాయం కాదని సంబంధిత అధికారులకు లేఖ రాయాలని నిర్ణయించారు.