చిన్నారి హితైషికి చేయూత

పట్నంబజారు, న్యూస్‌టుడే: చిన్నారి హితైషిని ఆదుకొనేందుకు పలువురు దాతలు ముందుకు వచ్చారు. గుంటూరుకు చెందిన చిన్నారి హితైషి (9 నెలలు) స్పైనల్‌ మస్కులర్‌ అట్రోఫి (ఎస్‌ఏంఏ) అనే అరుదైన వ్యాధితో బాధపడుతోంది. వ్యాధి చికిత్సకు రూ.16 కోట్ల ఖరీదైన ఇంజక్షన్‌ వాడాల్సి ఉందని వైద్యులు తెలిపారు. ఈ విషయమై ఇటీవల ‘ఈనాడు‘లో ‘సహృదయమా స్పందించు.. చిరంజీవిగా దీవించు’ శీర్షికన కథనం ప్రచురితమవ్వగా.. పలువురు దాతలు స్పందించి సాయం చేస్తున్నారు. సోమవారం నుంచి గురువారం వరకు రూ.3.30 లక్షలు, శుక్రవారం రూ.2.10 లక్షలు హితైషి తల్లిదండ్రుల ఖాతాకు జమ చేశారు. వీరిలో దుర్గా ప్రసాద్‌ రూ.31,500 (కాకినాడ), తేజశ్రీ రూ.1,01,00 (హైదరాబాద్‌), అస్లామ్‌ రూ.50 వేలు (విజయవాడ) శివ రూ.8వేలు (యుఎస్‌ఎ), కృష్ణన్‌ రూ.20 వేలు (చిత్తూరు) అందజేశారు. తమ కుమార్తెను ఆదుకొనేందుకు ఆర్థిక సాయం చేసిన వారికి హితైషి తల్లిదండ్రులు ప్రీతమ్, గాయత్రి కృతజ్ఞతలు తెలిపారు. దాతలు 77940 24001, 89191 89067 ఫోన్‌ నంబర్లతో సంప్రదించాలని వారు కోరారు.