పరిసరాల పరిశుభ్రతకు ప్రాధాన్యం: గోరంట్ల

స్వచ్ఛభారత్‌ కార్యక్రమంలో పాల్గొన్న ఎమ్మెల్యే గోరంట్ల 

టి.నగర్, న్యూస్‌టుడే: కాలానుగుణ వ్యాధులు ప్రబలకుండా ప్రతిఒక్కరూ పరిసరాల పరిశుభ్రతకు ప్రాధాన్యం ఇవ్వాలని రాజమహేంద్రవరం గ్రామీణం ఎమ్మెల్యే గోరంట్ల బుచ్చయ్యచౌదరి అన్నారు. రాజమహేంద్రవరం నగరంలోని వీఎల్‌పురం, చక్రధర్‌ హాస్పిటల్‌ పక్కన స్వచ్ఛభారత్‌లో భాగంగా గురువారం తుప్పలను తొలగించారు. ఈ సందర్భంగా ఆయన మాట్లాడుతూ వర్షాకాలం నేపథ్యంలో జాగ్రత్తలు తీసుకోవాలన్నారు. డెంగీ, డయేరియా వంటివి రాకుండా అప్రమత్తంగా ఉండాలన్నారు. గత ప్రభుత్వ హయాంలో పట్టించుకోకపోవడంతో వ్యర్థాలు పెరిగిపోయాయన్నారు. ఇకనుంచి పారిశుద్ధ్య నిర్వహణకు ప్రాధాన్యం ఇవ్వడం జరుగుతుందన్నారు. ఈ కార్యక్రమంలో అధికారులు, సిబ్బంది పాల్గొన్నారు.