కష్టకాలంలో అండగా నిలిచిన వారికి వందనం

మోకాళ్లపై వంగి ప్రణమిల్లుతున్న నల్లమిల్లి  

అనపర్తి ఎమ్మెల్యే నల్లమిల్లి: బిక్కవోలు: ఇటీవల జరిగిన ఎన్నికల్లో టిక్కెట్‌ కోసం ఎంతో కష్టపడాల్సి వచ్చింది. ఆ సమయంలో మా కుటుంబానికి అండగా నిలిచిన ప్రతి కార్యకర్తకు వందనం అంటూ అనపర్తి ఎమ్మెల్యే నల్లమిల్లి రామకృష్ణారెడ్డి పేర్కొన్నారు. బలభద్రపురంలో బుధవారం జరిగిన అభినందన సభలో ఆయన మాట్లాడుతూ.. ఎన్నికల బరిలో టికెట్‌ కోసం ఎంతో శ్రమించాల్సి వచ్చింది. ‘న్యాయం కోసం నల్లమిల్లి’ పేరుతో మా కుటుంబసభ్యులం అందరం అనేక గ్రామాల్లో తిరిగాం. మేమున్నాం మీ వెంట అంటూ.. కార్యకర్తలు అండగా నిలిచారు. ఆ క్రతువులో పాలుపంచుకున్న ప్రతి ఒక్కరికి వందనం అంటూ మోకాళ్లపై కూర్చుని వంగి ప్రణమిల్లారు. ఒక్కసారిగా ఈ సంఘటనకు కార్యకర్తలు ఆశ్చర్యపోయారు.