బండి కాదు మొండి..

ఆగిపోయిన బస్సును తోస్తున్న ప్రయాణికులు, స్థానికులు 

కొవ్వూరు పట్టణం, చాగల్లు, న్యూస్‌టుడే: గత ప్రభుత్వ హయాంలో ఆర్టీసీ బస్సుల నిర్వహణను పూర్తిగా వదిలేయడంతో సామాన్యులకు ఇక్కట్లు తప్పట్లేదు.  సోమవారం ఉదయం 9.30 గంటల సమయంలో కొవ్వూరు రోడ్‌కం రైలు వంతెన ఎక్కి, కొంతదూరం వెళ్లిన బాపట్ల డిపో సూపర్‌ లగ్జరీ బస్సు ఆగిపోయింది. కొన్ని క్షణాల తేడాలో ఏలూరు డిపోకు చెందిన పల్లెవెలుగు బస్సు ఇంజిను పనిచేయక నిలిచిపోయింది. దీంతో కొవ్వూరు నుంచి వెళ్లేవి, రాజమహేంద్రవరం నుంచి వచ్చే వాహనాలు నిలిచిపోయాయి. ఏలూరు డిపో బస్సును ప్రయాణికులు, స్థానికులు దిగి ముందుకు తోసినా  ముందుకు వెళ్లి మళ్లీ మొరాయించింది. అత్యవసర పనులు, విద్యాలయాలు, ఇతర అవసరాలకు వెళ్లే వారంతా చేసేది లేక ట్రాఫిక్‌లో చిక్కుకుపోయారు. చివరికి ట్రాఫిక్‌ పోలీసులు, ఆర్టీసీకి చెందిన సిబ్బంది వచ్చి పరిస్థితిని చక్కదిద్దారు.