నియోజకవర్గ అభివృద్ధికి కట్టుబడి ఉన్నా : మంత్రి దుర్గేశ్‌

కడియం : గ్రామీణ నియోజకవర్గంతో తనకు 15 ఏళ్ల సుదీర్ఘ అనుబంధం ఉందని, ఈ ప్రాంత అభివృద్ధికి కట్టుబడి ఉన్నానని ఏపీ మంత్రి కందుల దుర్గేశ్‌ అన్నారు. తూర్పుగోదావరి జిల్లా కడియం మండలంలోని కడియపులంకలో మంత్రి పర్యటించారు. ఈసందర్భంగా  రాష్ట్రంలోని పలు ప్రాంతాలను పర్యటక క్షేత్రాలుగా నిర్మించేందుకు ప్రత్యేక కార్యాచరణతో ముందుకుసాగుతున్నట్లు చెప్పారు. ముఖ్యంగా రాజమహేంద్రవరంలో  రైల్వే బ్రిడ్జిని హేవ్‌ లాక్‌ బ్రిడ్జిగా మార్పు చేయడంతోపాటు కడియం నర్సరీలు, పిచ్చుకలంక అందాలను  పర్యటక క్లస్టర్‌గా ఏర్పాటుచేసేందుకు నివేదికలు తయారుచేయాలని అధికారులను ఆదేశించినట్లు చెప్పారు. మాజీ సీఎం జగన్‌మోహన్‌ రెడ్డి తన కుటుంబసభ్యులతో కలిసి నివాసం ఉండేందుకు  పర్యావరణ అనుమతులను తుంగలో తొక్కుతూ రూ.కోట్లు ఖర్చు చేసి  రుషికొండలో ప్యాలెస్‌లు నిర్మించారన్నారు.