ప్రైవేట్‌ విద్యాసంస్థలపై చర్యలు తీసుకోవాలి

నిడదవోలు: ప్రైవేట్‌ పాఠశాలలు, కాలేజీల్లో భారీగా పెంచిన ఫీజులు నియంత్రించాలని సీపీఎం నాయకుడు జువ్వల రాంబాబు డిమాండ్ చేశారు. ఈ మేరకు నిడదవోలు ఎంఈఓ గణేష్‌కు వినతిపత్రం అందజేశారు. ఈ సందర్భంగా రాంబాబు మాట్లాడుతూ తమ పిల్లలను తల్లిదండ్రులు ప్రైవేట్ కాలేజీల్లో చేర్పిస్తున్నారని ఈ బలహీనతలను యాజమాన్యం ఆసరా చేసుకొని ప్రభుత్వ నిబంధనలకు వ్యతిరేకంగా ఫీజులు వసూలు చేస్తున్నారని స్టేషనరీ వాళ్లే అమ్ముతున్నారని రాంబాబు ఎంఈఓ దృష్టికి తీసుకెళ్లారు. ఈ సందర్భంగా స్కూల్స్, కాలేజీలు విజిట్ చేస్తానని నిబంధనలకు వ్యతిరేకంగా ఎవరైనా వసూళ్లు చేసినా లేదా ఎవరైనా తల్లీదండ్రులు ఫిర్యాదు చేసిన చర్యలు తీసుకుంటానని ఎంఈవో చెప్పారు. ఈ కార్యక్రమంలో గోపి, నానీ, చరణ్, దుర్గాప్రసాద్‌లు పాల్గొన్నారు.