రైతుబజారులో కందిపప్పు విక్రయ కౌంటర్‌

కందిపప్పు పంపిణీ చేస్తున్న జేసీ శ్రీనివాసులు

చిత్తూరు(మిట్టూరు), న్యూస్‌టుడే: పెరిగిన ధరల నియంత్రణలో భాగంగా నాణ్యమైన కందిపప్పు కిలో రూ.165 అందిస్తోన్నట్లు జేసీ శ్రీనివాసులు పేర్కొన్నారు. మంగళవారం స్థానిక రైతుబజారు, చర్చివీధిలోని వినాయక స్టోర్స్‌లో కందిపప్పు విక్రయ కౌంటర్లను జేసీ ప్రారంభించారు. ప్రస్తుతం కందిపప్పు ఉత్పత్తి, సరఫరా తక్కువగా ఉన్నందున డిమాండు పెరిగి మార్కెట్లో కిలో రూ.175 నుంచి రూ.200 ధర పలుకుతోందన్నారు. అధిక ధర చెల్లించి సామాన్యులు కొనుగోలు చేయలేరనే ఉద్దేశంతో రాష్ట్ర ప్రభుత్వం పౌరసరఫరాల, మార్కెటింగ్‌ శాఖల ఆధ్వర్యంలో రైతుబజారులో కౌంటర్‌ను ఏర్పాటు చేశామన్నారు. గంగనపల్లిలో ఎండీయూ వాహనం ద్వారా అందజేస్తున్న బియ్యం పంపిణీని జేసీ ఆకస్మికంగా తనిఖీ చేశారు. డీఎస్‌వో శంకరన్, మార్కెటింగ్‌ శాఖ ఏడీ పరమేశ్వరన్, తహసీల్దార్‌ శ్రీనివాసులురెడ్డి, డీటీ కిరణ్, రైతుబజారు అధికారులు, సిబ్బంది పాల్గొన్నారు.