99.07% మందికి.. పింఛన్ల పంపిణీ

స్విమ్స్‌ అత్యవసర వార్డులో పింఛను అందిస్తున్న సచివాలయ ఉద్యోగి

తిరుపతి (భవానీనగర్‌), పాకాల, న్యూస్‌టుడే: పింఛన్ల పండగ రెండోరోజూ సందడిగా సాగింది. రాష్ట్ర ప్రభుత్వం ప్రతిష్టాత్మకంగా తీసుకున్న ఎన్టీఆర్‌ సామాజిక భద్రత పింఛన్ల పంపిణీ కార్యక్రమం మంగళవారం కొనసాగింది. 99.07% మంది లబ్ధిదారులు పెంచిన పింఛను మొత్తం అందుకుని మురిసిపోయారు. మొత్తం 2,69162 మందికి రూ.180.63 కోట్ల మొత్తం పంపిణీ చేసినట్లు డీఆర్‌డీఏ అధికారులు వెల్లడించారు. తక్కినవారికి బుధవారం అందించనున్నారు.

కుక్కపల్లికి చెందిన వెంకటేశు కిడ్నీ సంబంధిత వ్యాధితో స్విమ్స్‌ లో చికిత్స పొందుతున్నారు. అతని పరిస్థితిని కుటుంబ సభ్యులు చెప్పడంతో దామలచెరువు గ్రామ సచివాలయ సంక్షేమ సహాయకుడు అశోక్‌ స్విమ్స్‌ ఆసుపత్రికి వెళ్లి రూ.7 వేల పింఛను అందించారు.