రచనతో సమాజాన్ని ప్రభావితం చేయొచ్చు

పుస్తకావిష్కరణలో ఎమ్మెల్యేలు జగన్మోహన్, మురళీమోహన్‌ 

చిత్తూరు విద్య, న్యూస్‌టుడే: నిజాన్ని భావితరాలకు అందించడంతో పాటు సమాజాన్ని ప్రభావితం చేసే శక్తి ఒక్క రచనకే ఉందని చిత్తూరు, పూతలపట్టు ఎమ్మెల్యేలు గురజాల జగన్మోహన్, డాక్టర్‌ కలికిరి మురళీమోహన్‌ అన్నారు. పత్తిపాటి రమేష్‌నాయుడు రచించిన ‘పత్తిపాటి శతక రత్నావళి-3 పుస్తకాన్ని ఎమ్మెల్యేలు స్థానిక విజయం డిగ్రీ కళాశాలలో ఆదివారం ఆవిష్కరించి మాట్లాడారు. భావితరాలకు మార్గనిర్దేశం చేసే వ్యక్తి రచయిత అని చెప్పారు. రచయిత ధైర్యశాలిగా, నిష్పక్షపాతంగా సమాజాన్ని సరైన కోణంలో అధ్యయనం చేయగలిగే మేథస్సు కలిగి ఉండాలన్నారు. యువతలో చైతన్యం తీసుకురావాలంటే పుస్తకాలు కారణమని తెలిపారు. కార్యక్రమంలో విజయం విద్యాసంస్థల ఛైర్మన్‌ తేజోమూర్తి, రచయిత పత్తిపాటి రమేష్‌నాయుడు, తదితరులు పాల్గొన్నారు.