సర్వదర్శనానికి 18 గంటలు

తిరుమల, న్యూస్‌టుడే: శ్రీవారి సర్వదర్శనానికి ఎస్‌ఎస్‌డీ టోకెన్లు లేకుండా శనివారం సాయంత్రానికి క్యూలైన్లలో వచ్చిన భక్తులు వైకుంఠం క్యూకాంప్లెక్స్‌-2లోని కంపార్ట్‌మెంట్లు, నారాయణగిరి షెడ్లు నిండిపోయి ఏటీసీ వరకు క్యూలైన్‌లో వేచిఉన్నారు. వీరికి దాదాపు 18 గంటల్లో శ్రీవారి దర్శనం లభించనుందని తితిదే తెలిపింది. రూ.300 ప్రత్యేక ప్రవేశ దర్శనం భక్తులు వైకుంఠం క్యూకాంప్లెక్స్‌-1లోని ఆరు కంపార్ట్‌మెంట్లలో ఉన్నారు. వీరికి మూడు గంటల్లో శ్రీవారి దర్శనం లభిస్తోంది. శుక్రవారం శ్రీవారిని 66,256 మంది భక్తులు దర్శించుకున్నారు. రూ.3.54 కోట్లు హుండీ కానుకలు లభించాయి. గదుల కోసం రద్దీ కొనసాగుతోంది.