కొత్త బస్సుల ప్రారంభం

జెండా ఊపి బస్సులు ప్రారంభిస్తున్న ఎమ్మెల్యే గురజాల జగన్మోహన్‌ 

చిత్తూరు (కొంగారెడ్డిపల్లి): చిత్తూరు ఆర్టీసీ రెండో డిపో పరిధిలో రెండు కొత్త బస్సులను శనివారం ఎమ్మెల్యే గురజాల జగన్మోహన్‌ జెండా ఊపి ప్రారంభించారు. చిత్తూరు-బెంగళూరుకు ఎక్స్‌ప్రెస్, చిత్తూరు-విజయవాడకు సూపర్‌ లగ్జరీ బస్సులు ప్రారంభించామని చెప్పారు. అక్కడి ఉద్యోగులు, సంఘ నాయకులతో మాట్లాడగా.. గతంలో చిత్తూరు-2 డిపో పరిధిలో 120 ఆర్టీసీ, 25 అద్దెబస్సులు ఉన్నాయని, అవి వేలూరు-తిరుమల, ఇతర ముఖ్య ప్రాంతాలకు నడిచేవన్నారు. ప్రస్తుతం ఆర్టీసీవి 80, 18 అద్దె బస్సులు ఉన్నాయని, రెండో డిపోకు పూర్వ వైభవం తీసుకురావాలని విన్నవించారు. మాజీ ఎమ్మెల్సీ దొరబాబు, మాజీ మేయర్‌ కఠారి హేమలత, డీపీటీవో జితేంద్రనాథరెడ్డి, డిప్యూటీ సీఎంఈ నాగేశ్వరరావు, రెండో డిపో మేనేజర్‌ రూపశ్రీ పాల్గొన్నారు.