దుర్గమ్మా.. మన్నించమ్మా!

అపరిశుభ్రంగా ఆలయ పరిసరాలు

గుడి సమీపంలో గోడపై ఇలా..

విజయవాడ కనకదుర్గమ్మ ఘాట్‌ రోడ్డు చిన్న గోపురం ముందున్న పరిసరాలు అపరిశుభ్రంగా ఉన్నాయి. మహామండపం గోడలకు పిచ్చిమొక్కలు మొలిచాయి. చెట్ల పొదలు పెరిగిపోయాయి. క్యూలైన్ల పక్కన పిచ్చి మొక్కలు ప్రమాదకరంగా ఉన్నాయి. వర్షాలు కురుస్తుండడంతో విష పురుగులు క్యూలైన్ల వైపు వస్తున్నాయి. చెత్త, ప్లాస్టిక్‌ సీసాలను ఘాట్‌ రోడ్డు ఓంకారం మలుపులోని గోడ పక్కన పడేస్తున్నారు. మరోవైపు మహా మండపం పక్కనున్న మెట్ల మార్గం దారికి పక్కన పొదలు, పశువుల పేడ కుప్పలుగా పోశారు. వాటిని తొలగించాలని భక్తులు కోరుతున్నారు.

ఈనాడు, అమరావతి

కొండ అంచుల్లో పేరుకుపోయిన ప్లాస్టిక్, చెత్త