మోపిదేవి ఆలయ కానుకల లెక్కింపు

పర్యవేక్షిస్తున్న అధికారులు 

మోపిదేవి, న్యూస్‌టుడే: శ్రీవల్లీ దేవసేన సమేత సుబ్రహ్మణ్యేశ్వర స్వామి ఆలయంలోని హుండీల్లో భక్తులు సమర్పించిన కానుకలను శుక్రవారం లెక్కించారు. దేవాదాయ శాఖ తనిఖీ అధికారి కె.శ్రీనివాసరావు పర్యవేక్షణలో ఆలయ సహాయ కమిషనర్‌(ఏసీ) నల్లం సూర్యచక్రధరరావు పాల్గొన్నారు. 90 రోజులకు రూ.84,23,387, బంగారం 64 గ్రాములు, వెండి 6.846 కిలోలు, అమెరికన్‌ డాలర్లు 541 ఆదాయంగా వచ్చినట్లు అధికారులు తెలిపారు. గుంటూరు జిల్లా తెనాలి ఆలయాల్లో విధులు నిర్వహించే అధికారులతోపాటు తెనాలి, రేపల్లె, గుడివాడ, ఉయ్యూరు, చల్లపల్లి తదితర ప్రాంతాల నుంచి భక్తబృందాలకు చెందిన 270 మంది భక్తులు లెక్కింపులో పాల్గొన్నారు. ఎస్‌ఐ వీరవెంకట సత్యనారాయణ, ఆలయ పర్యవేక్షకుడు సత్యనారాయణ, చల్లపల్లి ఎస్టేట్ దేవాలయాల సిబ్బంది, భక్తులు పాల్గొన్నారు.