జాతీయస్థాయి కుస్తీ పోటీలకు పయనం

కొయ్యూరు, న్యూస్‌టుడే: కొయ్యూరు కస్తూర్బా విద్యాలయంలో చదువుతున్న ఆరుగురు విద్యార్థినులు జాతీయస్థాయి కుస్తీ పోటీల్లో పాల్గొనేందుకు సోమవారం బయలుదేరారు. కస్తూర్బాలో ఇంటర్‌ విద్యార్థినులు కె.లావణ్య, కె. కెజియ, కె.తబిత, బి.భార్గవి, కె.నిర్మల, కె.రాణి.. చిత్తూరులో మే నెలలో జరిగిన అండర్‌-17 రాష్ట్రస్థాయి కుస్తీ పోటీల్లో బంగారు పతకాలు సాధించారు. వీరంతా జాతీయ స్థాయి పోటీలకు ఎంపికయ్యారు. ఈనెల 5 నుంచి 7 వరకు ఉత్తరాఖండ్‌లో జరిగే పోటీలకు పయనమయ్యారు. జాతీయస్థాయిలో వీరు పతకాలు సాధించాలని ఎస్‌వో పరిమళ, ఐటీడీఏ రెజ్లింగ్‌ అకాడమీ కోచ్‌ అంబటి నూకరాజు ఆకాంక్షించారు.