Adilabad: ధర్నా కార్యక్రమానికి తరలిరావాలి

ఆదిలాబాద్ సాంస్కృతికం: కార్మికుల హక్కులు, సంక్షేమాన్ని కోరుతూ ఈనెల 15న హైదరాబాదులోని కార్మిక శాఖ కమిషనరేట్ కార్యాలయం వద్ద ధర్నా నిర్వహించనున్నారు. ఈ కార్యక్రమానికి అన్ని కార్మిక సంఘాల నాయకులు, కార్మికులు తరలి రావాలని భవన నిర్మాణ కార్మిక సంఘం(ఏఐటీయూసీ అనుబంధం) జిల్లా ప్రధాన కార్యదర్శి గాజంగుల రాజు పిలుపు ఇచ్చారు. జిల్లా కేంద్రంలోని సీపీఐ కార్యాలయంలో సోమవారం ఏర్పాటు చేసిన సమావేశంలో ఆయన మాట్లాడారు. ప్రతి గ్రామం నుంచి తాపీ మేస్త్రీలు, పెయింటర్లు, వడ్రంగులు, ఎలక్ట్రిషియన్లు, ప్లంబర్లు అధిక సంఖ్యలో హాజరై ధర్నా కార్యక్రమాన్ని విజయవంతం చేయాలని కోరారు. ఈ కార్యక్రమంలో ఆయా కార్మిక సంఘాల నాయకులు ఎస్.కె.నూర్, రమేష్, భీమ్ రావు, ఎస్.కుమార్ తదితరులు పాల్గొన్నారు.