చీకట్లో బాధితులు.. రెండు గంటలు అవస్థలు

ఎంసీహెచ్‌లో విద్యుత్తు అంతరాయంతో గందరగోళం

చీకట్లో బాలింతల వార్డు

మంచిర్యాల సిటీ, న్యూస్‌టుడే: మంచిర్యాలలోని మాతా, శిశు ఆరోగ్య కేంద్రం(ఎంసీహెచ్‌)లో బుధవారం అర్ధరాత్రి విద్యుత్తు సరఫరాలో అంతరాయం గందరగోళాన్ని సృష్టించింది. ఆసుపత్రికి సంబంధించిన ఎలక్ట్రీషియన్‌ మరమ్మతుల నిర్ణయం, దీనికి తోడు విద్యుత్తు శాఖ సిబ్బంది సకాలంలో స్పందించకపోవడంతో రెండు గంటల పాటు బాధితులు అంధకారంలో ఉండాల్సి వచ్చింది. ఓవైపు ఉక్కపోతతో బాలింతల అవస్థలు, మరోవైపు శిశువుల ఏడుపుతో ఆసుపత్రి ఇబ్బందికర పరిస్థితి ఎదుర్కొంది. రెండు గంటలపాటు భవనం, బాధితులు చీకట్లోనే ఉన్నారు. ఈ మరమ్మతులకు ముందస్తుగా అప్రమత్తం చేయడం కొంత ఉపశమనం కలిగించే అంశం. ఎలాంటి ప్రమాదకర పరిస్థితి రాకుండా జాగ్రత్తలు చేసి పనులు చేపట్టారు. రాత్రి 9:30 గంటలకు మొదలై తెల్లవారు జామున 3 గంటల ప్రాంతంలో పూర్తికావడం గమనార్హం.

అంధకారంలో ఎంసీహెచ్‌