వందేభారత్‌ నిలపాలని రైల్వేబోర్డు ఛైర్‌పర్సన్‌కు వినతి

మంచిర్యాల సిటీ, న్యూస్‌టుడే: హైదరాబాద్‌ నుంచి నాగ్‌పూర్‌కు వెళ్లే వందేభారత్‌ సూపర్‌ఫాస్ట్‌ రైలును మంచిర్యాలలో నిలపాలని కోరుతూ రైల్వే బోర్డు ఛైర్‌పర్సన్‌  జయవర్మసిన్హాకు భాజపా నాయకులు వినతిపత్రం అందజేశారు. మాజీ ఎంపీ వెంకటేష్‌నేత, జిల్లా అధ్యక్షుడు వెరబెల్లి రఘునాథ్, మహళా మోర్చా అధ్యక్షురాలు జోగుల శ్రీదేవి, భాజపా సీనియర్‌ నాయకుడు మోటపల్కుల తిరుపతి సోమవారం ఆమెను దిల్లీలో మర్యాదపూర్వకంగా కలిసి సంబంధిత పలు సమస్యలను చర్చించారు. వందేభారత్‌తో పాటు కేరళ, ఏపీ ఎక్స్‌ప్రెస్, మంచిర్యాల నుంచి తిరుపతికి నూతనంగా రైలు ప్రారంభించాలని కోరినట్లు రఘునాథ్‌ తెలిపారు.