డెంగీ వ్యాధి నివారణ అవగాహన ర్యాలీ

ఎదులాపురం: వర్షాకాలం నేపథ్యంలో కాలానుగుణ వ్యాధులు ప్రబలకుండా ముందు జాగ్రత్తలు పాటించాలని, పరిసరాలను పరిశుభ్రంగా ఉంచుకోవాలని డీఎంహెచ్‌ఓ నరేందర్ రాథోడ్ సూచించారు. డ్రై డే ఫ్రైడే కార్యక్రమంలో భాగంగా ఆదిలాబాద్‌లోని కొలిపూరలో డెంగీ వ్యాధి నివారణ అవగాహన ర్యాలీ నిర్వహించారు. ఈ సందర్భంగా ఇంటింటికి తిరుగుతూ దోమల వృద్ధి కాకుండా తీసుకోవలసిన జాగ్రత్తలను వివరిస్తూ కరపత్రాలను అందజేశారు. ఈ కార్యక్రమంలో మున్సిపల్ కమిషనర్ ఎండీ ఖమర్, అదనపు డీఎంహెచ్ఓ సాధన, జిల్లా మలేరియా నివారణ అధికారి శ్రీధర్, డివైఎస్ఓ వెంకటేశ్వర్లు, మెప్మా, వైద్య సిబ్బంది ఉన్నారు.