Adilabad: సీపీఐ ఆధ్వర్యంలో దొడ్డి కొమురయ్య వర్ధంతి

ఆదిలాబాద్ సాంస్కృతికం: తెలంగాణ సాయుధ రైతాంగ పోరాట వీరుడు తొలి అమరుడు దొడ్డి కొమురయ్య వర్ధంతి వేడుకలను సీపీఐ నాయకులు ఘనంగా నిర్వహించారు. గురువారం జిల్లా కేంద్రంలోని పార్టీ కార్యాలయంలో ఆయన చిత్రపటానికి పూలమాలవేసి నివాళులర్పించారు. నిరంకుశ పాల‌న నుంచి స్వేచ్ఛా వాయువులు పీల్చుకునేందుకు, ఆత్మ గౌర‌వ ప‌తాక‌ను ఎగుర‌వేసేందుకు ప్రాణాల‌ను ప‌ణంగా పెట్టిన యోధుడని కొనియాడారు. ఈ కార్యక్రమంలో జిల్లా కార్యదర్శి ముడుపు ప్రభాకర్ రెడ్డి, నాయకులు కట్ట కృష్ణస్వామి, బెజ్జంకి నరసింగరావు, అరుణ్ కుమార్, కుంటాల రాములు, ఎస్.కె.పాషా తదితరులు పాల్గొన్నారు.