Adilabad: ఛలో రాజ్ భవన్ కార్యక్రమాన్ని విజయవంతం చేయాలి

ఎదులాపురం: పాలస్తీనా ప్రజలకు సంఘీభావంగా ఈ నెల 6న నిర్వహించనున్న ఛలో రాజ్ భవన్ కార్యక్రమాన్ని విజయవంతం చేయాలని సీపీఐ ఎంఎల్ మాస్‌లైన్ ప్రజాపంథా జిల్లా కార్యదర్శి, వర్గ సభ్యులు జగన్ సింగ్ పిలుపునిచ్చారు.  బుధవారం స్థానిక కుమురభీం భవన్‌లో  ఆయన మాట్లాడుతూ.. పాలస్తీనాపై ఇజ్రాయిల్ మారణకాండను అడ్డుకునేందుకు ప్రపంచ దేశాలు చొరవ చూపాలని కోరారు. ఇజ్రాయిల్ పాశవిక దాడులను మేధావులు, విద్యార్థి సంఘాలు ఖండించాలన్నారు. కార్యక్రమంలో పార్టీ నాయకులు కొడప సురేష్, సిడాం సాయికుమార్, ఆత్రం శీను, కుమ్ర వనిత, లక్ష్మీబాయి తదితరులు పాల్గొన్నారు.