Adilabad: అంగన్వాడీలకు రిటైర్మెంట్‌ బెనిఫిట్స్‌ ఇవ్వాలి

ఎదులాపురం: కాంగ్రెస్ ప్రభుత్వం ఎన్నికల సందర్భంగా ఇచ్చిన హామీల మేరకు అంగన్వాడీలకు రూ.2 లక్షలు, ఆయాలకు రూ.లక్ష రిటైర్మెంట్ బెనిఫిట్స్ ఇవ్వాలని తెలంగాణ అంగన్వాడీ టీచర్స్ అండ్ హెల్పర్స్ యూనియన్ రాష్ట్ర కార్యదర్శి పి.జయలక్ష్మి డిమాండ్ చేశారు. మంగళవారం అదిలాబాద్ పట్టణంలోని సీఐటీయూ కార్యాలయంలో ఆమె పాత్రికేయులతో మాట్లాడుతూ అంగన్వాడీలకు పెన్షన్ తక్కువ ఇచ్చే నిర్ణయాన్ని వెనక్కి తీసుకోవాలని లేని పక్షంలో రాష్ట్రవ్యాప్తంగా ఆందోళనలు చేపడతామని హెచ్చరించారు. కార్యక్రమంలో అంగన్వాడీల రాష్ట్ర అధ్యక్షురాలు సునీత, సీఐటీయూ అధ్యక్ష, కార్యదర్శులు బొజ్జ ఆశన్న, అన్నమోల్ల కిరణ్ తదితరులు పాల్గొన్నారు.