Adilabad: జడ్పీ పాలక వర్గానికి సన్మానం

ఆదిలాబాద్ పట్టణం: జిల్లా పరిషత్ పాలక వర్గ సభ్యుల పదవీ కాలం ముగియడంతో శుక్రవారం జడ్పీ కార్యాలయంలో ఆత్మీయ సన్మాన కార్యక్రమాన్ని ఏర్పాటు చేశారు. ముఖ్య అతిథిగా పాల్గొన్న జిల్లా కలెక్టర్ రాజర్శి షా వారిని శాలువతో సత్కరించి మెమోంటో అందజేశారు. ప్రజా క్షేత్రంలో తిరిగే రాజకీయ నాయకులకు పదవీ విరమణ ఉండదని తాము నిరంతరం ప్రజా సమస్యల కోసం పోరాడుతూనే ఉంటామని పలువురు సభ్యులు పేర్కొన్నారు. జడ్పీ సీఈఓ రత్నమాల, మాజీ జడ్పీ ఛైర్మన్ జనార్థన్ రాథోడ్, డీసీసీబీ ఛైర్మన్ భోజారెడ్డి, మిషన్ భగీరథ ఈఈ సురేష్ పాల్గొన్నారు.